Agriculture, Irrigation & Water Resources Department Minister PC Vanlalruata chuan chhiatrupna thlen laia inbiakpawhna hman tangkai tur, ‘Public Safety & Disaster Response Communication System (PSDRC)’ chu RB Mc Cabe Hall, Aijal Club-ah Thawhlehni khan a tlangzarh.
Minister PC Vanlalruata chuan Mizoram chu chhiatrupna thlen theihna sang tak a nih avangin he project hautak leh ro tling tak hi an tangkaipui dawn tih sawiin, chhiatna lian tham tawh huna sorkar mai ni lo, tlawmngai pawlte nena tha taka an thawkho thin chu ropui a tih a sawi.
Aizawl bawrhsap Er. Lalhriatpuia chuan technical report pein, Mizoram leilung dinhmun avanga chhiatrupna a thlenin inbiahpawhna tha a pawimawh tih sawiin, he khawl hi antenna leh electromagnetic wave hmanga hna thawk a nih avangin physical wire a awm loh thu leh enkawlzui bakah hman tangkai a nih loh chuan a hlawhtlin a beisei loh thu a sawi.