Israel lemchanthiam Gal Gadot chuan Israel in an ram hruaitu tur an thlannaah vote a thlak ngei a ni tih tilangin, a vote thlalak lai thlalak hi a phochhuak a, tunge a vote tih erawh a sawi tel lo.
Thawhlehni khan Israel hian an ram hruaitu thlanna neiin, hetah hian Gadot pawh hian vote thlakin, a IG lamah mipuite chu an ram hruaitu thlannaa vote thlak ngei tura sawmna siamin, a vote thlak lai hi a tilang a, vote thlak chu khua leh tuite tih ngei ngei tur a nih thu a sawi.
Gadot chuan vote hmangin kan ram hi kan kaihruai thei a, democracy dik tak hi kan tun nun leh a ngai a ni, ti a sawiin, vote hmanga duhthlanna dik hmang turin mipuite chu a sawm bawk.
Gadot hian tunge a vote tih sawi lo mahse, an prime minister ni lai khinthlak tumtu ber, eptu pawl hruaitu nia sipai hotu hlui ni bawk Gadi Eisenkot a vote ngei nia rin a ni a. An ram hruaitu ni lai Benjamin Netanyahu chuan an ram chu indona ramah a chhuah mek tawh tia sawiin, eptute leh milar tam takin an thlawp loh thu an lo auchhuahpui nasa tawh hle a ni.