Aizawl: October chhung khan Mizoram Police chuan ruihhlo do beihpui an thlaknaah heroin leh methamphetamine kg 12.74, tual chhung hralhnaa Rs 2,20,27,550 man zet an man a, he thil kaihhnawihah hian mi 28 an man bawk.
Police thuchhuah tar lan danin October-a ruihhlo kaihhnawiha mi an man zingah hian India khua leh tui mi 25 leh ram dang mi pathum an tel a, thubuai 18 ziah luh a ni.
Ram leh hnam humhimna atana sorkar, Village Council (VC), YMA leh tlawmngai pawl (NGO)-ten ruihhlo do kawnga theihtawp an chhuahpuinaah Mizoram Police chuan lawmthu an sawi a. Ruihhlo tawlh ruk chungchang hriat an neih apiang thuneitute hnena report kawngah tan la sauh sauh turin mipui an sawm thar leh bawk.