60th Country Music Association (CMA) Awards chu November 18 zan khan Nashville’s Bridgestone Arena-ah neih niin, hemi zan hian kum 13 hnua a vawi khat nan Taylor Swift a rawn perform leh a, Ella Langley chuan award a hum haw tam ber thung.
Kumin CMA awards-ah hian Langley chuan nomination 9 hmuin, heng zingah hian Entertainer of the Year, Female Vocalist of the Year leh Album of the Year a dawng a, a hla “Choosin’ Texas” hmangin Single, Song leh Music of the Year a dawng bawk.
CMA awards sem zan hian Swift chuan a hla thar “I Knew It, I Knew You” tih hla rawn sachhuakin, lawmna au thawm a ring hle a. Brad Paisley, Little Big Town, Sugarland, Eric Church leh Lainey Wilson te an perform bawk a ni.
Swift hian a hla “I Knew It, I Knew You” tih hmang hian Single of the Year ah nomination a hmu a, mahse award a humhaw ta lo thung a ni.
Hetih lai hian a dawng lamah tang lo mahse a hlantu lamah erawh tang thungin, Brooks & Dunn hnenah Willie Nelson Lifetime Achievement Award a hlan thung.