Premier League-ah Arsenal-in point ngain hma an hruai mek a; mahse, Christos Tzolis-a chuan an kawng a la thui a, an khelh hmabakah chauh an rilru an pek thu a sawi.
Tun season-ah Arsenal chuan Premier League nomawi an kawl mek chu humhim an tum a, bul pawh an tan tha viau a. Chutih rualin an intihsiakna chu thui tak tlan ngai chi ang niin Tzolis-a chuan a sawi a, vawi khat chak deuha tlan vak ang a ni lo tih a sawi.
Season hman mekah Arsenal chu vawi khat chauh an la tlawm a, October 27-a EFL Cup-a
Fleetwood Town laka beisei loh taka an tlawm hnuah Liverpool, Slavia Prague leh Hull City te hnehin an tho leh nghal,
Nipui laia Club Brugge atanga Arsenal zawmtu, Greek winger Tzolis-a chuan Mikel Arteta team chu muangchang leh nghet taka an kal zel thu a sawi a, “Thui tak intlansiakna ang a ni. Team pakhat hneh vang ringawtin engkim a tha vek tihna a ni lo, league hautak tak a ni a. Team tin an tha em em a, an quality a sang em em bawk a. Chuvangin, inkhelh apiangah inthlahdah loin kan fimkhur reng a ngai. Kan kawng a la tui lutuk,” a ti.
“Inkhel tin hi a pawimawh vek a, point tin hi a pawimawh vek. Chu chu thil pawimawh ber a ni a, kan tum ber chu inkhel tinah 100% kan rilru pek leh fimkhur hi a ni a. Player 25-26, level sang em em nei kan kawl a, mi dang hian hetiang level hi an neih ve ka ring lo. Chuvangin, thil awm chhun chu he rilru put hmang leh rilru pekna hi vawn nun zel a ni,” a ti.
Arsenal hian kartawpah St. James’ Park-ah Newcastle United an luhchilh dawn a, point hlawh chhuak tur chuan theihtawp an chhuah ngei a ngai a. Newcastle United an hneh a nih chuan Arteta chu Premier League manager ni chunga vawi 159 a chakna a ni dawn a. He inelna chanchina manager zinga hnehna chan tam lamah Mark Hughes (158) khumin 10-naah a inhlang kai dawn a ni.