Heng a hnuaia tarlan chi riat (8) hmang hian mothar zan, a zankhatna chu damchhung hriatreng tlakah chhuah rawh le..
Hmanhmawh suh
Khekkhal deuh chawt pawh a sual lo. Chhun lamah inhah em em a, chumi lai kara tha tho tak leh zangkhai taka hman chu thil harsa ve ang reng tak a nih theihna chen a awm. Mothar zan hi i nuna zan ‘romantic’ ber tur a nih dawn avang leh a vawikhatnan i hmachhawn dawn avangin hmanhmawh chi a ni lo a, zawi muangin, hahdam taka kalpui tur.
Beisei sâng lutuk suh
Kil hrang hrang a\angin ‘pressure’ i dawng zut zut ang. Pasal i neih dawn tak tak hunah phei chuan thurawn chi hrang hrang dawnsen loh i hmu nghal tuk tuk bawk ang. Sawi tawh angin, chhun lamah buai reng reng hun in hmang tawh a, rei tak inding a, taksa a chau ngawih ngawih. A zankhatnaah hian i duh-thusam leh beisei ang a thleng lo a ni mai thei. A pawi reng reng lo. Inhriatthiam tawn a, a boruak awmdan ang zela in-siamrem phawt a pawimawh.
Hre lo lutuk ni suh
Inneih hmâ atang tawhin, nupa nun hlimawm hman dan ziahna lehkhabu tha tak tak, Mizo tawng pawhin a awm tawh a, chhiar tur a ni a, zahthlakah ngaih loh tur. Thil hre lo lutuk nih hi a zahthlak zawk.
Ngawi reng suh
Ni e, bedroom-a han luh chinah chuan a mi deh dan a dang zar tawh a, hmeichhe zakzum deuh tan phei chuan kil khata thut ngawi kar mai hi a harsa reng reng lo. Mahse, he zan hi zan duhawm, ‘tiam tlat e’ i tihpui nena chhungkua dintan tura hmâ inlak tan zan a ni a, inhawng takin be bawrh bawrh la, chhun lama thil thlengte pawh sawipui ang che. Thil reng reng hi a ‘romantic’ thei ang ber leh zangkhai thei ang ber ni sela. Tawngkam sexy deuhte pawh inthlahrung lem lo taka hman hun a ni tawh e.
Ngaihdan bik nei suh
Nupa nun hlim tak hmang tur hian a awm mawi tâwka inkhal (foreplay) hi ‘ngei ngei’ a ni a. Chutih laiin, i chau viau tawh pawh a ni thei a, i nghak peih lo te pawh a ni ang. Zingkar boruak nuam tak hnuai-ah pawh a theih loh bik dawn em ni? Mothar zana in mutna khumah tho in la awm a, zan lama nupa nun hman ngei ngei tur inziak a awm lo.
Chhunlam boruak
Inneih lai khan a remchan dan a zira han innuih seih te, thlahlel taka han inen vawng vawngte hian zan lam boruak thlengin a chhem alh thei tih ringhlel ngai suh ang che. Reception hunah phei chuan hun remchang a tam lehzual a, a duhawm dan te, a chhiat loh zia te, aaaa a tam ang, hrilh zauh thin la, zan lam boruak chawhnun nan a lo tangkai hle tih i hmu nghal mai ang.
Thil thar dap rawh u
Inneih hmâ khan mothar zana awmdan tur leh nih dan tur ang chi te, i lo suangtuah ve nasa hle thin ang. Chungte chu a taka hman tan hun a ni mai dawn lawm ni? Chhungkaw thar din tur in ni a, chutiang bawkin, nupa nun hmannaah pawh thil thar, danglam tak hmanga bul han tan pawh chu a inhmeh viau reng a sin.
Mit la takin aw…
Thawmhnaw pan leh sexy tak, ‘lingerie’ an tih ang chi hi duhthusam a ni. Chutih laiin, i thawmhnaw hakah khan i ”confi’ hle tur a ni a, a hmâ zanah te pawh lo hak chhin zuai a pawi lo. Hmeichhe ‘confi’ tak hian mipa ‘confi’ bawk a chochhuak \hin a nia. In khawvel a ni tawh e.