Information & Public Relations Deptt-in nimin khan an kum 50 tlin (Golden Jubilee) an lawm a. He hun hmanpuitu Chief Minister Zoramthanga’n tunlai thiamnate a \ha zawnga mi tinin an hman thiam theihna turin I&PR Deptt-in mawhphurhna an nei tih a sawi.
Chief minister chuan mipui hriat tur chanchin thar puanchhuahte chu chiang leh ngil tak ni \hin se tiin, I&PR department chu chanchinbumite nen inngheng hnai taka thawkho an nih avangin hemi kawngah pawh mawhphurhna an neih thu a sawi.
“Media-te party \an lam nei chu an awm ang; amaherawhchu, news/media chu mipui tan a ni tih hriat a ngai,” tiin, party organ ni si lo, party \an bik nei lutuk anga lante a \hat loh thu a sawi.
I&PR Golden Jubilee hmanpuitu chief minister chuan I&PR department-a thawktu indaih lohnate pawh a hriatpui thu sawiin, sorkar sum dinhmun a ziaawm hunah heng harsatnate hi sutkian a nih tur thu a sawi bawk.
He hun hmanpuitu dang, I&PR Minister Lalruatkima pawhin I&PR department chu sorkar policy hlawhtling taka a kal theihna tura mipui hrilhhriat kawngahte, thu thar pawimawh puanzarte bakah, mipui leh sorkar inkara palai hnathawk, mipui mar dektu, hmasawnna hna tluang taka a kal theihna tura mawhphurhna lian tak nei a nih thu a sawi a. “I&PR department a chak loh chuan sorkar pawh a chak lo a ni,” a ti.
I&PR department Golden Jubilee lawmna inkhawn hi Director Lallianpuii’n kaihruaiin he department-a lo thawk tawh chatuan ram pantate sunna hun hman a ni a, pension a chhuak tate hnenah memento pek a ni bawk.
District council hunlai a\angin information officer hova bul\an niin Union Territory-ah office building neiin, kum 1972-ah department puitlingah Information & Public Relations & Tourism (IPR&T) tih hming pua hlan kai a ni a. Tourism leh Printing & Stationery bakah he department hian protocol hna te, art & culture tihhmasawn pawh a kawp tel \hin.
Printing & stationery leh tourism chu kum 1980 leh 1987-ah I&PR a\angin an indang ve leh a ni.