Lucknow Super Giants chu 2022 Indian Premier League a mahni run siam hum a hnehna chang thei hmasa ber an ni teuh a. Mahse tling zo lovin Gujarat Titans in team thar pahnih inkhelah hnehna an chang.
Titans tan hian an innings tawp lama David Miller, Rahul Tewatia leh Abhinav Manohar te ball vuak \hat a pawimawh hle a. Wicket 5 in hnehna an chan phah.
Super Giants an teuh
Wankhede Stadium-ah Lucknow Super Giants in run 158 an siam hum turin bul an \an \ha a. Run siam \euh a la harsatna hmunah hian chak thei dinhmunah an ding.
Dushmantha Chameera leh Avesh Khan ten ‘powerplay’ laiin kawh tak taka ball an vawm \hin chu Gujarat batsman te tana harsatna siamtu a ni a. Inkhel a rei deuh hnuah dai tla avangin pitch danglam mahse an spinner-ten an vawm \ha bawk.
Over 10-naah Hardik Pandya (33) chu a u Krunal Pandya-a’n a wicket a la a, over 11-naah opener Matthew Wade (30) an chan lehnghal a. Titans in chak turin ball 49 a\ang run 81 an mamawh.
Vei khawr pahnih David Miller leh Rahul Tewatia te inkawp an dinlaiin Lucknow captain KL Rahul chuan spinner Deepak Hooda chu a vawm tir leh a, hei hi inkhel tidanglamtu a ni.
Batsman pahnihten 4 leh 6 vawikhat ve ve Hooda lakah an vua a. Titans tan beisei a lian sawt.
Ravi Bishnoi lakah Tewatia che na leh hle bawkin Titans chakpuitu hian ball 24 a\ang run 40 a siam a. Miller-a’n ball 21 a\ang run 30 siamin Abhinav Manohar chuan 4 runs vawi thum rawn vua in ball 7 a\ang run 15 a siam ve bawk a, ball hnih hmang bakin Gujarat an chak.
Shami a pawimawh
Man of the match a thlan Gujarat Titans bowler Mohammed Shami chu chakna chhan lian tak a ni a. A ball vawm hmasak berah Lucknow captain KL Rahul wicket a la nghal.
Powerplay laiin wicket pawimawh pahnih Quinton de Kock leh Manish Pandey te over 5-naah a phil ve ve bawk a. Lucknow an buai.
Deepak Hooda (55) leh Ayush Badoni (54) ten Super Giants tlu chhe tur tung ding lehin Krunal Pandya chuan ball 13 a\ang run 21 a thawh bawk a. Over 20-ah run 158 an siam.
A bikin Hooda innings a hmuhnawm a, bul \an \ha lovin ball 15 a\ang run 7 chauh siam hman mahse Titans bowler zinga vawm \ha lo pahnih Hardik Pandya leh Varun Aaron te lakah ball 20 a\angin run 36 a vaw chhuak.