Argentina striker hlui Gonzalo Higuain chuan tun Major League Season kal lai chu a zawh hunah football a chawlhsan dawn niin a pa in a sawi.
Kum 34 mi hi Inter Miami tan khel mekin MLS-ah season thumna a hmang mek a. December thla hian a contract neihlai a hmang zo dawn.
Hmun \henkhatah Real Madrid striker hlui hian Argentina-ah inkhel turin a kir leh dawn nia sawi awm mahse a pa Jorge Higuain chuan a hma hun a sawi chiang.
“Argentina-ah a kir dawn lova, kumtawpah a chawlh tawh tur thu min hrilh. Football-ah erawh la inrawlh se ka ti hle, thil tam tak tawnhriat a nei tawh a, chuvangin hlawhtling takin hna a thawk thei ang.” a ti.
River Plate a\anga bul \an Higuain hian ram hrang panga ah inkhel hmanin trophy lian 14 a chawi hman a. Los Blancos bakah Napoli leh Juventus tan khelin AC Milan leh Chelsea tan pawh a inkhel zuai hman bawk.