Aizawl: Central YMA bul tumin pawl hrang hrang aiawh, police leh excise hotuten nimin khan Central YMA Committee Room-ah Mizorama ruihhlo hluar zel tur ven dan an sawiho a, Aizawl chhungah zu leh ruihhlo zuar mi 600 chuang an awm nia chhut a nih thu tar lan a ni.
He \hutkhawm hi YMA kumpuan, ‘Ram leh hnam humhalh’ bawhzuina atana ruihhlo hluar zel dona kawnga hmalakna a ni a, Central YMA President R. Lalngheta’n kaihruaiin, Central YMA hruaituten ruihhlo dona kawnga hma an lo lak tawh dan leh hmalak zel an tum dangte an sawi bakah \hutkhawma tel pawl aiawhtuten ruihhlo hluar zel tur venna atana thawhhona leh \ul nia an hriatte an sawi hlawm bawk.
Excise & Narcotics Dept hotuten an sawi danin Aizawlah damdawi hmang sual mi 2,600 vel an awm a ngaih a ni a, damdawi zuar mi 340 vel, zu zuar chhungkua 343 an awm anga chhut a nih thu leh ruihhlo zuar zingah hian heroin zuar an tam ber nia a lan thute tar lan a ni a. Aizawl chhunga zu zuarten Myanmar raltlante an chhawr nasa hle tihte tar lan a ni bawk.
He \hutkhawmah hian MKHC, MJA, MUP, MHIP, MZP, MSU leh Mizoram Bar Assn bakah SP Aizawl aiawh, Excise & Narcotics Dept leh District Judge te an tel a ni.