Top four intlansiaknaah an tel a, an hmelma Tottenham in tun kartawpah an lehpelh avangin an tana inkhel pawimawh takah Arsenal an chesual a. Crystal Palace in 3-0 in an hneh.
Season thar a UEFA Champions League khelh phak ngei tum Gunners hi Selhurst Park-ah kawng engkimah an khingpuite aiin an khel \ha lo zawka. An midfielder hlui Patrick Vieira pawlte lakah an tal buai.
Minute 16-na lekah Jean-Philippe Mateta chuan freekick a\angin goal hmahruai a tauh lut a. Minute 8 hnuah Joachim Andersen ball pek \ha a\angin Jordan Ayew chuan an goal hnihna a khung.
Second half-ah Arsenal in hma an sawn deuh zawk a, Martin Odegaard-a’n chance \ha neiin Eddie Nketiah chuan goal ban a tihper bawk. Mahse Palace in inkhel dah\ha in Wilfred Zaha chuan a penalty hlawhchhuah goal-ah a khung.
Palace hi kuminah an mualah league inkhela an chak hmasak ber a ni a. Pakuanaah chhovin an khingpuite erawhin palina an la let thei rih lova. Tottenham aiin khelh khat erawhin an khel tlem zawk.
A \ha tawk lo
Arsenal boss Mikel Arteta chuan chhuanlam a siam lova, an khel \ha tawk lo tih a sawi. “Sawiselna te kan pawm a, mawhphurhna kan lak a ngai. Kan khel\ha tawk lo tih kan pawm a ngai a, kan inenlet anga, kan insiam\hat a \ul.” a ti a.
“A tir a\ang reng khan kan pha lo nghal a, helai hmunah hi chuan inkhel hautak tak hmachhawn inpeih at rengin kan luh a \ul. Ball inchuhna leh ball per zawng zawng chang thei tura huaisen taka kan khelh a ngai a, hetiang hi vawiinah kan nei lo.” tiin an result an phu niin a sawi.
Palace boss Vieria chuan, “Inkhel \henkhatah khel\ha tak chunga chance kan neihte kan khung loh a tam a, tun \umah erawh kan khung thei a, goal kan chhuah lo hi a lawmawm bawk. Kan khelh\hat ber \um ti a sawi tur ni chuan ka hre lo.” a ti ve thung.