Aizawl: Thorang bialtu MLA Zodintluanga Ralte chuan nimin khan Group YMA Lungsen hnenah ambulance a hlan.
Ambulance hlanna hun YMA Hall, Lungsen North Branch-a neihah a hlantu, bialtu MLA hian thu sawiin, “Thorang biala kan han tlin a, kan sorkar ve khan high school panga kan din \hawt a. Lungsena High School kan neihte pawh exam centre-ah kan han din ve thei ta a ni. Lungsenah hian khawtlang mipuite \hahnem ngaihna zarah, district khawpuiah pawh din harsa Higher Secondary kan han nei leh theite hi a lawmawm tak zet a ni,” a ti.
Zodintluanga chuan Thorang biala khaw hrang hrangte hi tun hma chuan inkalpawhna mumal a awm loh avangin mipuiin harsatna nasa tak an tawk tih a sawi a. Tun \uma a zinah erawh chuan Thorang bial chu kawngpuiin inkalpawh vek a lo ni ta chu malsawmna tam tak a nih thu a sawi.
Kum li dawn Congress party an sorkar loh chhungin a bial chhungah mipui leh mimalah sorkar a\anga \anpuina a awm loh avangin manganthlak a tih thu a sawi a. “SEDP an sem thu ka lo hria a, ka lo lawm em em laiin an thlanate leh an pek danah a pawi ka ti em em a ni. Khaw khatah chuan Vaimim bag khat \heuh chhungkaw thumah an pe a, kan va zawt chianga lo pawh an lo nei si lo. Vaimim bag khat chinna ram vat pawh an awm lo a, Vaimim chi an dawng dawn tih pawh an hre lo,” tiin, ngaihtuah chiang lo leh mipuite hmangaih loin an sem tihna a nih avangin pawi a tih thu Zodintluanga Ralte hian a sawi bawk.