Indian biker 75 telna tur ‘North East on Wheels’ tan dawn

India ram zalenna kum 75-na lawmna denchhenin Amazing Namaste India chuan hmarchhak state-ah lirthei ke hnih neia fan kualna, ‘North East on Wheels’ chu vawiin a\ang hian buatsaih a ni dawn. Bike expedition-ah hian India ram hmun hrang hrang a\angin mi 75 an tel dawn.
Hemi chungchangah nimin khan a buaipuitu, Amazing Namaste India chuan Aizawl Press Club-ah thu thar thehdarhtute kawmin ‘North East on Wheels’ buatsaih a nih chhante sawiin, he expedition hian hmarchhak chhung hmun mawi tak tak, nunzia leh ram mawi tak tak mi dang hmuhah pho lan a nih tur thu an sawi.
North East on Wheels buaipuitute sawi danin vawiin hian Assam Chief Minister Dr Himanta Biswa Sharma chuan expedition hi Guwahati a\angin a vai liam dawn a ni.
Thu thar thehdarhtute an hrilh danin expedition-ah hian India ram hmun hrang hrang a\angin lirthei ke hnih nei hmanga hmarchhak state hrang hrang tlawh turin mi 75 chu group parukah an in\hendarh dawn a. Hmun an tlawh tur zingah international boundary pali a tel a ni.
Hmarchhak state hrang hrang tlawh kual tur biker-te hian an veivah chhung hian ram tana nunna hlantute zahna an lantir dawn a, tual chhung mite nen inkhawmin social media-ah ram hrang hranga mi chengte nunphung bakah ram leilung hausaknate an pho lang \hin dawn a. Netflix lamin an zin kualnate an tichhuak \hin dawn a ni.
Mizoram bikah chuan April 13, 2022 khian mi 15 bakah anmahni lo hruai kual tur leh lo buaipui turin Mizo palite nen Damcherra, Tripura a\anga lo lutin, ni thum chhungin Mizoram hmun hrang hrang an tlawh dawn a ni. Bikers Adventure Tour Incorporation-ten North East on Wheels hminga khualzinte an lo chhawn dawn a ni.
North East on Wheels buaipuitute chuan he hun hi India ram zalenna kum 75-na lawm mai bakah hmarchhaka tourism chawi vul te, kawngpuia himna, road safety auchhuahpui te leh kawngpui \ha zawk neih a nih theihna tura hmalakna chi khat a nih tur thu an sawi a. Hmun hrang hrang fangkuala Mizorama lo zinte \ha taka lo dawngsawng tur leh thawhpuiah mipuite an ngenin an sawm tih an sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427