Bihar sorkar chuan Archaeological Survey of India (ASI) hnenah kum 2,500 chuanga upa tawh, Cyclopean wall, Rajgir-a mi chu UNESCO World Heritage Site-a telh tura thehlut turin lehkha a thehlut nawn leh.
Cyclopean Wall hi km 40-a thui, lung hmanga siam niin hmanlai khawpui, Rajgir hual nana hman niin hmelma leh rûntute laka invenna atana tih niin kum BC zabi 3-na hma lam siam tawh a ni.
“UNESCO World Heritage Site-a Cyclopean Wall a tel theih nan hian kan bei zel dawn a. An mi rawn ngen angin a chanchin kimchang, chanchin hluia hlutna a neih dan leh a awm dan leh hmalhmang kimchang chu ASI-ah kan thehlut leh tawh,” tiin Bihar-a Art, Culture & Youth Department-a Additional Secretary cum Director (Archaeology) Deepak Anand chuan PTI a hrilh.
Anand-a chuan he bang hi cyclopean lungrem dan hmang lanchianna ber a nih thu leh UNESCO World Heritage Site-a telh ngei tur a nih thu a sawi a. A hmain Bihar Chief Minister Nitish Kumar pawhin vawi tam hetiang thu hi a lo sawi tawh bawk.
“UNESCO World Heritage Site-a telh ve turin kan thehlut fo tawh a, pawm a ni ngai lo. Tun tumah erawh min telh ve ngei kan ring tlat a, thuneitute nen pawh hma kan la zui zel ang,” tiin Anand chuan a sawi.
Cyclopean Wall hi Mauryan-ho hun hmaa siam a ni tawh a, lung lian tak tak, lung chher loh hmanga rem a ni.
‘Frontiers of the Roman Empire’ an tih, Germany, UK leh Northern Ireland kaltlanga lung bang awm, kum 1987-a UNESCO list-a telh tawh nen inanga ngaih a ni.
Bihar-ah hian UNESCO World Heritage Site pahnih a lo awm tawh a, seng luh mai theih tur a dang a la awm nual bawk.
Nalanda University hi Bihar-a UNESCO World Heritage Site pakhat niin kum 2002-a ziah luh a ni.
Mahabodhi Temple, Bodhygaya-ah hman lai hmun chu telh a lo ni tawh bawk.