Netflix series lar, ‘Squid Game’ season hmasa ber tawp danah LeBron a lawm lova, pawm harsa a tih chungchangah film siamtu Hwang Dong-hyuk chuan a a khaklet.
Four-time NBA champion leh 17 time All-Star thu lak danah Hwang a lawm vak bik lo. “Space Jam 2 kha in en tawh em? LeBron James hi mi cool tak a ni a, a duh chu a sawi thei a lawm. Ka zah hle. Series pumpui a en vang pawhin ka lawm. Mahse, a tawp dan ka siamah khan rilru ka thlak dawn lova, ka tawp siam a ni mai a ni,” a ti.
“A tawp danah kan a lung-awi lo a nih chuan a duh leh amahin siam ve ang hmiang! Ka ensak ve ngei ang a, a hnu ah message thawnin, ‘A tawp dan tih loh show pumpui kha a \ha’ ka ti ang,” tiin a khengzuisak.
Tarlan fo tawh angin, ‘Squid Game’ hi leiba ina a delh beh, mi harsa tak takte’n an nunna thap a, naupang infiamna kalpui a, sum tam tak hlawh chhuak ngei tura an chetchhuahna niin, tunlaia series lar ber a ni.