AZL: 1st Battalion MAP, MT Garage chhunga dah two wheeler pali chu chhan hriat lohvin a kang ral vek.
The Zozam Times zawhna chhangin, 1st Battalion MAP hotute chuan MT Garage chhunga lirthei dah kang ral tate chu FZ bike pahnih, Apache bike leh scooty pakhat ve ve a nih thu an sawi a, scooty pahnih pawh a kang chhe nual bawk tih an sawi.
Lirtheite hi zing dar 2 leh 3 inkar vela kang nia an rin thu sawiin, duty-ten an hmuh chuan kang hi a lo rem vek tawh tih an sawi a, heng lirthei te hi 1st Battalion MAP mi leh sate ta vek a nih thu an sawi a ni.
1st Battalion MAP hotute chuan lirthei kan chhan hi han rinzawn mai tur pawh an hriat loh thu sawiin, he thil thleng chungchangah hian FIR theh luh a nih tawh thu an sawi bawk.