India ramah darkar 24 liam ta chhung khan coronavirus kai mi 2,380 hmuh chhuah leh hman niin zawi zawiin a kai hmuh hi an pung leh hret hret niin a lang a, mi 4,30,49,974-in an kai tawh.
Union health ministry-in a chhinchhiahnaah chuan hri kai enkawl lai pawh an pung leh hret a, mi 13,433 an la awm mek.
Darkar 24 liam ta chhung hian mi 56-in Covid-19 hi thihpui leh hmanin mi 5,22,062-in an thihpui tawh.
Hri kai hmuh chhuah tawh zawng zawng atanga chhutin enkawl lai hi 0.03% an la ni mek a, enkawl dam tawh hi 98.76% an ni tawh thung a. Darkar 24 liam ta chhung hian enkawl dama chhuahtir aiin a kai hmuh an tam zawk avangin enkawl mek hi mi 1,093-in an pung leh hman a ni.
Darkar 24 liam ta chhunga sample endik zinga 0.53% chuan hri an kai tih hmun niin chawlhkar khat liam ta chhunga endik zinga 0.43-in an kai bawk tih ministry chuan a tar lang.
Hri kai tih finfiah tawh zinga mi 4,25,14,479 chu enkawl dam leh tawh niin thihpui hi a kai hmuh tawh zinga 1.21% an ni.
Invenna pek beihpui thlak chhunzawm mek zel niin Nilaini tlai thleng khan vaccine dose vaibelchhe 187.07 chuang zet pek a ni tawh.