Nilaini a khawchhia avanga an inkhel tur khelh theih a nih loh hnuah Chanmarians Cricket Club leh Chhinga Veng Cricket Club ten hnehna an chang ve ve lehnghal a. Ningani inkhelah Chanmarians in Bawngkawn South CC hnehin Chhinga Veng CC in Luangmual CC an hneh.
Chanmarians hian khelh ruk atang tlawm la nei lovin vawi nga an chak tawh a. League hma an hruai mek. An tan Luangmual lakah Lalhmangaiha’n half century a siam a. Lalnunkima leh man of the match F. Malsawmtluanga ten wicket li leh wicket thum an la.
Inkhel hmasa zawkah No Result vawi hnih an neih bakah vawi hnih tlawm tawh 3C in an dinhmun an siamtha a. Run 78 in Luangmual an hneh.
3C tan batsman tawnhriat neitha K. Vanlalruata chuan half century a siam a. Sumit Lama chuan wicket thum a la bawk.