Trinamool Congress hruaitu leh an party mi eng emaw zat chu Nilaini khan Unakoti district, Tripura-ah COVID-19 vanga inkhuahkhirhna an bawhchhiat avangin man an ni.
TMC Tripura unit president Asish Lal Sinha pawh party worker man zingah hian a tel.
TMC hruaitute hi Nilaini khan an party hruaitu, Mamata Banerjee-i hova kum 19930a Kolkata-a kawng an zawh tuma police silai hmeh puaha an party mi thite zahna pangpar dah turin Gournagar an pung khawm a. Dan zam an zawm loh avangin man an ni.
Police-te chuan mi 21 an man thu an sawi a, an vaiin COVID inkaihhruaina an bawhchhiat bakah phalna nei lovin an pung khawm niin an sawi.
“Tan in lailawkah dah an ni a, Executive Magistrate hova man an ni,” an ti.
TMC state chief Sinha chuan amah telin an pawl mi 82 lai man an ni tih a sawi a. Man zingah hian Unakoti district-a an party president Anjan Chakraborty pawh man a ni tih a sawi.
An party flag pawt pharha martarte zahna hlan an tum chu an man niin a sawi bawk.