Aizawl : Mamit district MJA member ten nimin khan Mamit district chhunga – Darlung circle leh Kanghmun circle huam chhunga Pangang khawina hm- unte an tlawh.
Sericulture cluster group member 54 awm- na Bawngthah khuaah Pangang khawi chu mumal taka kalpui niin, society-in kum 2021-2022 chhung khan Pangang an khawina aṭa- ngin Rs. 1,70,000 an thawkchhuak.
Darlung khuaah pa- wh Sericulture society mumal taka kalpui niin, member 43 an awm a, kum 2021-2022 chhungin an Pangang khawina aṭangin Rs. 4,60,000/- chuang an thawkchhuak ve bawk.
Pangang khawi hi sorkar laipuia Central silk board leh ministry of textile-in district hnufual (aspirational district) chawikanna tura Sericulture deptt hnuaia a kalpui a ni a. Darlung leh Kanghmun circle-ah Pangang khawitute hian Pangang khawina hma- nrua an mamawh ang tawk leh Pangang chi tam zawk khawi tur awm se tun aia hlawk zawka kalpui theih an inbeisei thu anmahni tlawhthu thuthar thehdarhtute chu an lo hrilh a ni.
Mamit district sericulture officer ZD Zoramthanga’n Pangang khawitute chu nasa zawka ṭan la tur leh Mamit district chhunga Pangang khawi kawnga hmahruaitu ni zel turin a chah bawk.