Kum 40 mi ni tawh mahse Mahendra Singh Dhoni-a’n khawvel cricket a ‘finisher’ tha ber zing ami a nihna a lantir a. Chennai Super Kings in ball li atang run 16 an mamawh chu a siam a. Wicket thumin Mumbai Indians an hneh.
Over hnuhnung berah Jaydev Unadkat hmachhawnin Dhoni-a’n ball hnuhnung pali ah 6, 4, 2, 4 a vua a, an team a chakpui. Dwaine Pretorius chuan ball 14 atang run 22 siamin Dhoni hi a tawp a khar pui a, an pahnih in ball an vuak that avangin Chennai an chak.
Mumbai in Tika Varma run 51 siam hmangin over 20 chhungin 155 an siam a. Tun season a chak la nei lo Indians hian an target siam hum theih an inbeisei hle.
Dr DY Patil Sports Academy a inkhelah Chennai tan Ambati Rayudu chuan run 40 a siam a, a team tan a siam hnem ber. Robin Uthappa chuan run 30 a siam ve bawk.