A hun takah Golden State Warriors an che tha a, Denver Nuggets in Western Conference Playoffs first round-ah game khat tal lak tuma an beihna chu dawl zovin 118-113 in hnehna an chang a. 3-0 in series-ah hma an hruai.
Nuggets hian na takin Warriors hi inkhel tan tir atangin an nawr a, mahse Warriors player-ten nawr let ve zelin second half lamah inkhel an thunun zui a. A tawpah harsatna nei lovin an chak.
GSW tan Steph Curry leh tun season a player hmasawn tak Jordan Poole te chuan point 27 ve ve an score a. Klay Thompson chuan 3 pointer vawi ruk lutin point 26 a score.
Nuggets star player Nikola Jokic chuan point 37 leh rebound 18 a la a. Mahse Draymond Green-a’n vil tha a, midangin an thlawp tha lo.
Utah Jazz in star player Luka Doncic tel lova khel Dallas Mavericks an hneh lo nawn a, 126-118 a tlawmin Dallas in 2-1 in hma an hruai mek.