Union Home Minister of State Ajay Mishra-a fapa, tualthattua puh mek chu Pathianni khan Uttar Pradesh-a tual chhung court-ah a inpe a, Lakhimpur tan inah dah luh a ni.
Supreme Court chuan kar hmasa khan bail-a a chhuahna chu hnawlsakin chawlhkar khat chhunga inpe turin a ti.
“Ashish-a hi court-ah a inpe a. Chawlhkar khat chhung hun pek a ni a, Thawhtannia ral tur niin hun tuam ral hma ni khatah a inpe,” tiin a aiawha ding, Awadesh Singh chuan news agency PTI a hrilh.
Jail Superintendent PP Singh chuan venhimna lam thil avangin tan ina barrack (bahrik) hranah dah a ni tih a sawi.
Ashish Mishra-a hi SUV hmanga lo neihna kaihhnawih dan, farm law an tih duh lohna lantirtu lo neitute kawng zawh an hnung lam atanga chilah puh a ni a. He thil thlenga lo neitute leh chanchinbumi pakhat thihna chu a thah anga puh a ni.
February thla khan Allahabad High Court chuan bail-in a chhuah a. Kar hmasa khan Supreme Court chuan bail phalna hi hnawlsak lehin Allahabad High Court-a bawk hian dil that leh erawh a phalsak.
Court sang berin Ashish Mishra bail-na a hnawlsak leh chhan ber hi bail-a a chhuah hnuah he thubuaia thuhretuten vauna an tawn fo vang a ni deuh ber.
Tar lan tawh thin angin October 3, 2021-a Lakhimpur Kheri-a farm law duh lohna lantira lo neitu kawng zawhte hi an hnung lam atanga lirtheia pawng chil an ni a. Lo neitu pali leh chanchinbumi a thi a. Buaina chhuak zuiah BJP worker pathum an thi bawk.
Lirtheia sutu hi union minister fapa leh a zuitute nia sawi a ni a, a sutu lirtheiah hian Ashish Mishra hi a chuang nia puh a ni.