AZL: Mizoram Baptist Kohhrana naupangten Inrinni khan khan Kristian Naupang Pawl (KNP) Day vawi 79-na an lawm.
April 23 kha Mizoram Baptist Kohhran hnuaia KNP din champha vawi 79-na a ni a, he ni hman dan tur hi BCM headquarters atangin ruahmanna siam a ni lo va, tualchhung Kohhran hrang hrangah KNP te’n an remchan dan angin hun an hmang.
Kohhran tam berah chuan KNP Adviser tualchhung Kohhran Upate hnen atangin naupangten Pathian thuchah an ngaihthlak bakah group zai, Solo leh changvawn sawite naupangte atangin ngaihthlak a nih bakah intihhlimna special item an nei bawk.
KNP hi April 23, 1943 khan Serkawn Kohhran Committee ruahmannain Baptist Missionary Society Missionary E.M. Oliver (Zoduhi) leh Rochhingpuiite kaihhruainaa din a ni a, hun engemaw chen mumallo taka kalpui anih hnuin, kum 1973 BCM Assembly chuan KNP hi mumal zawka enkawl nise’ tiin a lo rel ta a ni.
Tun dinhmunah BCM hnuaia Pastor bial 91-a tual chhung Kohhran 426-ah KNP hi din niin, member mipa 11,016 leh hmeichhia 16,332 an vaiin 32,348 an awm mek a ni.