Hlauhthawn rûk angiin bawrhsawm tak Ozzy Osbourne-a’n Covid-19 a kai ta a, a nupui Sharon a mangan hle. A dinhmun enin, a tawrh chhuah loh mai an hlau. Nikum hmasa lam khan hripui a kai a nih chuan damchhuah a inrin loh thu thlengin a lo sawi tawh bawk nen. An buai.
Thim lal fapa-in hripui a kai thu hi TV atanga puanchhuah niin, hriselna pan ve tak tawh, insawiselna neuh neuhin a tlakbuak hian a tuar chhuak lo mai ang a, tiin a nupui leh fate bakah fan te an chi-ai hle.
Kum 2020 khan Black Sabbath zaipu ni awbk hian thawk lama harsatna lian tak vangin coronavirus a kai palh chuan a tan a risky hle ang, tih a lo sawi tawh.
Hengte vang hian Ozzy hriselna chungchangah rimawi khawvelin beiseina sang tak nen a damchhuah thuai beiseiin, duhsakna an hlan mawlh mawlh.
Chanchin buatsaih lai hian a dinhmun dik tak hriat chian fak a la awm lova, puanzarh a ni hek lo.
Covid-19 kai ta ila, ka thih ngei ka ring: Ozzy
Covid-19 in khawvel a nuai chhoh tirh lam khan Thâwk lama harsatna namen lo a neih vangin Corvid-19 kai ta se, a thih ngei tur thu Ozzy Osbourne-a’n a sawi.
Rock legend hi nikum lam atang khan tawhsual tâwkin, a taksaah chian lohna leh insawiselna a ngah chho hle a, Covid-19 hrik do tur chu a tlin dawn lo, a ti.
GQ magazine hrilhinn, “Emphysema ka nei a, virus hi min lutchilh ta se, ka thi nghal ang” a ti.
Emphysema hi COPD (chronic obstructive pulmonary disease) chikhat niin, Chuapa air sacs bang tichhe vek thei khawpa chimawm a ni a, helai taka hi covid-19 bitum ber a nih bawk avangin Ozzy tan thin thi a mut a harsa.
Kum lama a lo upa ve deuh ta bawk nen, harsatna a thlen belh. “Kum 70 i pelh tawh chuan engkim mai hi a hniam zâwng vekin a kal tawh a ni,” a ti chuai raih.
A NUPUI VANGA KHAW ENG LA HMU TIH PAWM THLAP
A KHUH HAWNNA
An beisei ngam lo, an thlen theih lah an ring hek lo.
Mahse, Nikum khan nitin maia chhungkaw huikhawm tuma rilru leh ngaihtuahna an seng ṭhin chuan an nupa inneih kum 39-na hlim takin an hman theih phah.
July 4 kha inneih champhaphak a ni.
Mize inang lo, hawi na lam dang daih, duhna lam hrang bawk si Ozzy leh Sharon Osbourne te nupa chanchin hi a ngaihnawm a, hringnun zirlai tam tak an hnut chhiah chho mek zel.
“Ka nupui hi awm lo se , ka thihna a rei tawh ang,” tiin Ozzy hian a sawichhuak hial.
DUHSAKNA HLAN
“Kum 39 kan thleng ta hi ka lawm. Hun hlimawm, hun dangdai leh mak pui pui kan tawng hnem tawh tiraw… Tawrhna, lungngaihna nen lam kan paltlang a, he hun thleng tur hian mimal a ni emaw hna thil ah pawh ni se, theihtawp kan chhuah dun a nih kha.. Ka thlarau leh nunna i ni.
“Nang nen hi chuan hringnun hi a par vul reng mai hian ka hria a, hmabak hun duhawmin min hmuak reng dawn tih ka ring bawk. Nitin mai hi adventure a ni a, nitin mai hian ka hmangaih che a, ka zah deuh deuh che a ni. Ka hmangaih reng ang che,” tiin a nupui Sharone hian Instagram-ah a thailang.
Ozzy pawihn ‘Happy Anniversary My Love! – July 4, 1982’ tiin duhsakna a hlan ve bawk.