British comedian leh actor atanga US talk show host lar taka inhlangchho ta James Corden chuan kumthar atangin ‘The Late Late Show’ a titawp dawn.
Nimin khan Los Angeles atangin a thil tum leh thutlukna harsa tak siam chungchanga hi a sawi chhuak a; UK TV series lar Gavin and Stacey huaihawttu atanga lar namen lova lar, 2015 atanga US-a inkhuar talk show a kalpui lehnaah pawh nasa taka hming chher, US mipuite ngaihzawnrawn ni ta hian, ‘Thutlukna ka siam tawhah chuan a la harsa ber a ni,” a tichhuak hial.
“Talk show hi ka tawp kharna tur a ni ang, tih reng ka ngaihtuaah pha ngai lo. Kumthar atang chuan bungthar te pawh kan keu tawh ang a, enginnge min lo hmuak ang le, tih chu hunin a rawn hril mai ang,” a ti bawk.
Comedian leh actor ni bawk Craig Ferguson-a’n 2015 kuma late-night talk show a chhuahsan khan Corder hian a hmunruak a luah nghal a, US-a In tin tih mai turina an hriatlar a ni chiang hle. Award show lar tak tak a host thin bawk.
The Late Late Show a buatsaihna ah hian ‘Drop the Mic’ leh ‘Carpool Karaoke’ te tichhuakin, khawvel huap miilarte a phochhuak a, an hlut.