Budget tharah SEDP lam hawi tum

MNF party adviser Dr R Lalthangliana’n “Budget thar lo awm turah SEDP lam hawia kalin, SEDP tihhlawhtlina ngei kan tum” a ti.

Tuirial biala inthlan lo awm tur atana campaign-a Lungdai, N. Chaltlang, Bukpui, Lungmuat, Nisapui, Serkhan, Zanlawn leh Hortoki-a khawtlang hruaitute nen an inkawmhonaah he thu hi Dr R Lalthangliana chuan a sawi a. Kumthar atang chuan Covid-a an sum hmante a ziaawm tawh an rin thu sawiin, SEDP tihhlawhtling tur zawnga kal an tum tawh thu a sawi.

Dr R Lalthangliana chuan rulling candidate ni lo ten thil tiam an neih ve pawhin tihhlawhtlin theih a ni ngai lo nia sawiin, kum 10 eptu lama an awm lai pawhin engmah an ti thei lo niin a sawi a. “Tuna rawn tiam ve ngawttu che u hian an tihsak thei lovang che u”a ti.

Congress sorkar kum 10 chhunga an hnathawh loh engemawzat an sorkar hun reilote chhungin an thawk hman tawh niin Dr R Lalthangliana chuan a sawi a. ‘Serkhan to Bagha road’ pawh Zoramthanga kaihhruai MNF sorkar hmasain bul a tan leh a siam a nih thu leh kawng pawimawh tak, economic road a nih zui nghal thu a sawi bawk.

Leave a Reply

Your email address will not be published. Required fields are marked *

error: Content is protected !!