Dussehra hmangtute car-in pawng chil, mi pakhat thi


Chhattisgarh-a Jashpur district-ah, Zirtawpnia Dussehra hmangtuten an pathiannu, Durga lim luia paih tura kawng an zawhpui lai chu an hnung lam a\angin car tlanchak takin pawng chilin mi pakhat a thi a, mi dang 20 velin hliam an tuar bawk.
Thi hi kum 21 mi, Gaurav Aggarwal-a a ni a, Pathalgaon khuaa cheng a ni a. Hliam tuarte hi Pathalgaon Civil Hospital-ah lak an ni.
Block Medical Officer James Minj chuan hliam zinga pahnih hi an ruh tliak a awm nual avangin damdawi in dangah enkawl tura lak an ni tih a sawi bawk.
Mi pawng chiltu car hi Mahindra Xylo, a uk (maroon) a ni a, Madhya Pradesh number plate a inbel a, Sukhrapara bulah chak taka tlanin mipui hi a su a ni.
Mipui thinrimin an umzui a; mahse, kawng sira a kang an hmu a. A khalhtu \hutna lam a inhawng a, a hnung leh tukverh darthlalang a keh vek bawk.
District Superintendent of Police chuan rinhlelh thilah mi pahnih an man tawh tih a sawi a. Pakhat hi kum 21 mi, Bablu Vishwakarma niin a \hianpa hi kum 26 mi, Shishupal Sahu a ni a. Madhya Pradesh-a Singrauli district-a cheng, Chhattisgarh paltlanga zin an ni.
Chhattisgarh Chief Minister Bhupesh Baghel chuan chhiatna thleng pawi a tih thu a sawi a. “Jashpur-a thil thleng hi a hrehawmin a rilru natthlak hle a. A titua rinte rang taka man niin an phu tawk hremna pek an ni ang. Chhui chian tura tih a ni a, tumah zuah an ni dawn lo. Rorelna dik hlen a ni ang, thi pawh a thlarau muangin chawl rawh se,” a ti.
“Hliam tuarte pawh rang taka an dam chhuah leh theih nan ka \awng\aipui,” tiin chief minister hian Twitter-ah a tar lang bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427