Kandahar mosque pathuma bomb puakah mi 30 vel thi


Afghan khawpui pakhat, Kandahar-a Zirtawpnia Muslim \awngtai nia Shia ho lawina mosque pathuma bomb puakah mi 30 chuang an thi a, mi dang 90 velin hliam an tuar bawk.
Bibi Fatima mosque chhung thlalak thehdarhah chuan tukverhte chu a tlabal nasa hle a, chhuatah ruang a awm nuaih bawk a, \awng\aia tel ve mi dangten an bawihsawm.
BBC chuan heng thil hi thihchilha tih niin a tar lang.
Thil thleng hmutute chuan mosque-ah hian bomb tipuaktute hian a luhkapui ber leh a chhungah te an bomb pai an tipuak hlawm niin tual chhung chanchinbute hnenah an sawi.
Zirtawpni hi Muslim \awng\ai ni niin chawlhkar khat chhunga an sakhaw ni pawimawh ber a ni a. Bomb a puah lai pawh hian mosque-ah te hian an khat vek a. AFP-a thawk chanchinbumi chuan ambulance 15 velin hliam leh ruangte an phur sawn niin a sawi.
Taliban special force-te chuan chhiatna thlenna hmunte hi veng nghalin mipuite chu a mamawhtute tana thisen pe turin an ngen nghal niin Reuters chuan a tar lang.
Eng pawl mahin heng bomb puak hi an tihah an la chhal lo va; mahse, BBC Afghanistan chuan Islamic State Group peng pakhat, IS-K tih a nih ngei a rinawm thu a tar lang thung.
Kandahar hi Afghanistan khawpui lian ber pahnihna niin Taliban pian chhuahna hmun a ni a, Taliban hawtu, IS-K hian kut an lo thlak fo tawh \hin.
Zirtawpni kal ta pawh khan tawngtai lai thovin hmar lama Kunduz khawpuia Shia mosque chu beih a lo ni tawh a, mi 50 vel an thi a. IS-K chuan an tihah an chhal a, hei hi United States sipaiten August thla tawpa Afghanistan an chhuahsan hnua pawikhawihna lian ber a ni nghe nghe.
IS-K hi Sunni Muslim pawl an ni a, Afghanistan-ah hian jihadist zinga a kal firfiak ber leh tharum hmang nasa ber an ni.
Sunni Muslim kal firfiakte hian Muslim peng dang, Shia Muslim-te hi an haw em em a, sakhaw kal suala peng taah an ngai.
Shia-te bakah hian IS-K hian Afghan venhim hna thawktu te, Afghan politician leh ministry te, Taliban, sakhaw zuitu tlem zawk – Sikh te, US leh Nato sipaite, khawvel huap pawl leh tanpui hna thawka an rama awmte an bei fo thin bawk.
Tar lan tawh \hin angin Taliban-te hian US nena inremna an siam anga August thla tawpa Afghanistan an chhuahsan hnuah ro an rel zui mek a. US sipaite hian kum 2001-a an thuneihna an chhuhsak a\anga kum 20-naah ro an rel veleh \an mek a ni.

Leave a Reply

Your email address will not be published. Required fields are marked *

error: Content is protected !!