Kum 20 chhungin NE-ah ramngaw 79% chân


India hmarchhak chu ram chhunga kum 20 liam ta chhunga ramngaw chân tam ber niin 79% zet a hloh hman niin Down To Earth-in a zir chiannaah tar lan a ni.
Nikum chhung khan hmarchhakah hian thingin a khuh ram hectare 1,10,000 chuang zet chu \hiah darh a ni tih University of Maryland-a forest change data chuan a tar lang.
India hian kum 2020 chhung khan ramngaw ni \hin hectare 1,43,000 a hloh hman a, hei hi kum 2001 laia ramngaw chin a\anga chhuta 4.6% a tling phak tih report-ah hian ziah lan a ni.
Hmarchhaka ‘seven sisters’ an tih – Assam, Arunachal Pradesh, Tripura, Meghalaya, Manipur, Mizoram leh Nagaland state-te hi kum 2001 leh 2020 inkara India ram pumin ramngaw a chân zawng zawnga 5-14% thawhtu an ni bawk.
State pasarih zinga a lian ber, Assam chu India-in a chân zat thawh tam ber niin ram pumin a hloh zinga 14.1% chu kum 20 chhung hian a chân hman.
Nagaland chu kum 2001 a\anga ramngaw hloh chak ber a ni thung a, kum 20 chhung hian a ram ngaw 17% a chân hman a. Tripura chuan dawtin a ramngaw neih chin chu 15%-in a zim hman a ni.
Hmarchhak pawn lamah Odisha chu kum 20 chhunga India-a ramngawin a tuam ram chân tam ber niin hectare 1,25,004 a hloh va, India ram pum hloh a\anga 6.5% a tling phak.
University of Maryland-a mi thiamte hian ramngaw hloh zat hi thlalem a\anga thlalak maktaduai tel zir chianga an chhut chhuah a ni a. Thingin a tuam \hin hmun hloh takte hi ‘thingin a tuam hnante a vaia awm ta lo vek,’ tiin scientist-te chuan an sawi kher \hin.
Algorithm hmangin thing pakhat zel hloh leh tihchhiat a nih dan hriat nan hian an chhut a, hei hian ramngaw inthlak tenau tak pawh a hmuhtir thei a. Thingkung chân hi a chhan hrang hrang – ramngaw \hian leh thing lak te, khualrel thil avanga te pawha thleng thei niin an sawi.

Leave a Reply

Your email address will not be published. Required fields are marked *

error: Content is protected !!