Nagaland-ah 2020 South Asian Cross Country Championship nghah a ni dawn


Nagaland chuan 2022 South Asian Cross Country Championships chu a thleng dawn.
He event hi January 15-a neih tura ruahman a ni.
Asia chhim lam ram pariata infiammi langsar tak takte chu he intihsiaknaah hian an inlan ang.
Afghanistan, Bangladesh, Bhutan, India, Nepal, Pakistan, Sri Lanka leh Maldives ram a\angin infiammite hi an lo kal ang.
Intihsiak an thlen tur hi Zirtawpni tuk khan Chief Minister Neiphiu Rio chuan a puang.
“India-in Nagaland-ah South Asian Cross Country Championships a thleng dawn tih puan hi a phurawm hle a. South Asian Athletics Federation leh Athletics Federation of India chungah kan lawm a, a bik takin SAAF President Dr. Lalit Bhanot-a chungah min thlawpna avangin kan lawm a ni,” tiin Rio hian Twitter-ah a tar lang.
Ni khat chauh awh intihsiaknaah hian Asia chhim lam ram pasariha infiammite hi kawng chi hrang hrangin an inel dawn a ni.
He infiamnaa telte hi tlan thei, chirh leh vut karah pawh tlan thei te, tlang awihpang tak taka tlen ngai leh tlang lawn ngai a ni bawk.
A tel ramte hian mipa team paruk leh hmeichhe pali an thawh chhuahpui dawn a. Team leh team-a tel mi mal tin hian mipaah km 10 leh hmeichhiaah km riat an intlansiak dawn a ni.

Leave a Reply

Your email address will not be published. Required fields are marked *

error: Content is protected !!