MNF Adviser Dr R Lalthangliana chuan budget thar lo awm turah SEDP lam hawia kal an tum mek thu a sawi.
Tuirial bial bye-election lo awm tura inbuatsaihna atan nimina he bial chhunga khaw hrang hrang tlawha a zin kualnaah MNF Adviser chuan, party leader pakhatin ‘SEDP an sem dawn lo’ tia a sawi chu chungchang chu, “SEDP pawh a theih chen chenah hma kan la zel ang. Budget thar lo awm turah chuan SEDP lam hawia kalin, tihhlawhtlina kalpui ngei kan tum mek a ni,” a ti.
Dr R Lalthangliana hian tu pawh ruling candidate ni loten thil tiam an neihin tihhlawhtlin theih a nih ngaih loh thu sawiin, “Keini pawh khan kum 10 eptu lamah kan awm lai khan engmah kan ti thei lo a, tuna rawn tiam ve ngawttu che u hian an tihsak thei lo ang che u tih in lo hriat ka duh a ni,” a ti a. MLA candidate pakhatin chhung tin hnenah cheng sing li/nga pek a tiam tihte an hriat thawi thu leh a mi mal ang chuan thil theih lohah an ngaih thu sawiin, “Keini hi a chahbi kawltu zawk chu kan ni,” a ti bawk.
MNF adviser hian kawng pawimawh tak, economic road ni nghal, nakin zela kawng pawimawh tak ni zel tur, ‘Serkhan to Bagha road’ chu Zoramthanga kaihhruai MNF sorkar hmasain a bul \an leh siam a nih thu a sawi a. Kum thar a\ang chuan Covid-19-a sum hman pawh a ziaawm tawha a rin thu leh khawl thar pawh an lei zo thawkhat tawh tih a sawi.