Manchester City forward Ferran Torres chu an ram tana a inkhelhnaah a inhliam avangin a ke dinglamah ruh hliam a nei a. Thla hnih atanga thla thum inkar a chawlh a ngai. Spain international hi Italy nen UEFA Nations League semi-final a an inkhelh tumin goal hnih a khung hnuah second half-ah lakchhuah a ni a.
Pathianni zana final khel turin fit a ngaih nimahsela Milan-ah a inkhel tluan ve thei lo. Kum 21 mi hliam hi endik a nih hnuah a ke phah dinglam ruh a tliak tih hmuh a ni a. City in kar ruk vel chawl tura an ngaih kha a let in a rei dawn.
Pep Guardiola pawlte hian hetih chhung hian league lama an inkhel hmachhawn tur zingah Old Trafford a khelh tur Manchester derby an nei a, UEFA Champions League lamah an lo ngam loh tawh Paris Saint-Germain an hmachhawn dawn.
Spain in thla thara World Cup qualifier-ah Greece leh Sweden te an hmachhawn ve dawn thung a. Torres inhliam hi Raheem Sterling tan inkhelhna hun inhawn phahna turah thenkhatin an ngai ve bawk.