Formula 1 : Nakkumah China intlansiak paih an tum

Nakkum a Formula 1 calendar tihchhuah turah Chinese Grand Prix chu telh loh tura ngaih a ni. Shanghai a neih thin intlansiak hi Covid 19 hri khawvela a darh hnuah neih leh a la ni lova, tun thlengin an ram chhunga Covid inkaihhruaina an kalpui avangin neih theih a la ni lo.

Chinese Grand Prix hi April 24 a Imola a neih turEmilia Romagna Grand Prix chuan a thlak ang. F1 in season tharah intlansiak 23 awmna calendar tihchhuah a tum a. Tun season a intlansiak neih thin an thulh takte chu season tharah neih vek tawh tura ngaih a ni a. Heng zingah hian Australia, Canada, Singapore leh Japan te an tel. Heng ram pali-ah hian season hnuhnung pahnih chhungin intlansiak neih theih a ni tawh lo.

2022 season hi Bahrain-ah March 20 khan tan a ni dawn a, November 20-ah Abu Dhabi-ah zawh a ni anga, kar 35 chhung chiah season in nakkumah a awh ang. Hei hi Qatar a khelh tur World Cup nen an intihbuai lohna tura hmalakna a ni.

Leave a Reply

Your email address will not be published. Required fields are marked *

error: Content is protected !!