Chennai Super Kings chu a tum li nan Indian Premier League champion an ni a. Kolkata Knight Riders chu final-ah run 27 a hnehin an champion.
Dubai International Cricket Stadium a final-ah CSK tan tawnhriat nei tha pahnih Faf du Plessis leh Moeen Ali ten danglamna an siam a. South African batsman in ball 59 atang run 86 a siam a, Ali-a’n ball 20 atang 37 a thawh hmangin over 20 chhungin run 192 an siam.
KKR tan Shubman Gill (51) leh Venkatesh Iyer (50) te wicket a tlak hnuah an middle order an zuih chiang hle a. Run 34 dang an siam chhungin wicket 8 hlohin over 20-ah 165 bak an tlin lo.
Kum 2010, 2011 leh 2018 a IPL champion ni tawh CSK tan captain MS Dhoni chuan IPL trophy a chawi leh a. Final-ah tun season a tournament tawp khar tha KKR laka an chak hnuah Dhoni hian kumthar lamah IPL a la khel dawn em tih zawhna chu a chhang duh rih lo.
India captain hlui hi a hma hun chungchangah zawhna a tam mek a. Engmah sawichiang duh rih lovin, “Heng ka hnuhma te hi ka chhuang a, mahse han thlirlet turin engmah hi ka la kalsan lo.” a ti.
Mimal chawimawina thenkhat :
Orange Cap (Run siam hnem ber) – Ruturaj Gaikwad (635 runs) Chennai Super Kings
Purple Cap (Wicket la hnem ber) – Harshal Patel (Wicket 32) Royal Challengers Bangalore
Emerging Player of the Season – Ruturaj Gaikwad, Chennai Super Kings
Most Valuable Player of the season – Harshal Patel, Royal Challengers Bangalore
Most Sixes – KL Rahul, Punjab Kings