KTP, TKP leh YMA ten thisen pe

KTP, Chhinga Veng branch-in Inrinni khan CKTP hmingin an Aizawl Civil hospital-in a tula a hman atan thisen unit 61 an pe a, thisen petute mipa 45 leh hmeichhia 16 an ni.

Inrinni vek khan YMA, S. Kâwnpui North branch member 19 (mipa 13 leh hmeichhe 6)-in Serchhip district hospital-in a tula a hman turin thisen an pe.

TKP, Republic Vengthlang bial pawhin Aizawl civil hospital-in a tula a hman turin thisen unit 38 an pe a, thisen petute mipa 29, hmeichhia 9 an ni. Inrinni vek khan Aizawl civil hospital-in a tula a hman atan TKP, Shalom unit, Mission Vengthlangin unit 11 an pek bakah mimal, tlawmngaia a thlawna thisen pe mi 24 an awm.

TKP, Bethani unit, Lawngtlai College Veng member 30 (mipa 26 leh hmeichhe 4) te pahin Inrinni vek khan Lawngtlai district hospital-in a tula a hman atan thisen an pe bawk.

Leave a Reply

Your email address will not be published. Required fields are marked *

error: Content is protected !!