Manchester United hmaah che tha lo Leicester City an thiam

Leicester City in Manchester United manager Ole Gunnar Solskjaer chunga phurrit awm tawhsa an belhchhah a, Inrinni zan Premier League inkhelah an lakah goal li khungin 4-2 in Foxes an chak.
King Power Stadium-ah away record nei tha Red Devils an lenglut a. Mikhual team hian an phu lo chungin hnehna an hawn mai dawn nia a lanlai awm hman mahse Brendan Rodgers-a pawlten a tawp an khar tha a. Fak an phu rualin an khingpuiten an tan kawng an hawnsak zau.
Leicester City season bul tan danin sawisel a hlawh a, result tha an nei zawn rei thei lo. Hetihlai hian United hi mikhual team ni chungin a zawna vawi 29 league-ah tlawm tawh lo an ni a, Foxes in inrintawkna lian tak an neih theihna turin tun season a an result lian ber la ni tur an nei.

United chetsual, Leicester lawmna
Manchester United in bul an tan tha lova, chutihrualin Leicester City in season an hman dan avangin inrintawkna an nei tam lo. Bul an tan danah pawh hriatin team pahnih inkhel a nung lo. Minute 18-naah United in goal an khung a, Mason Greenwood-a’n goal mawi khungin team thawhrah aiin mimal thiamna in United a chhanchhuak.
Mahse United tan inhliam damkawr captain Harry Maguire a chesual a, Kelechi Iheanacho chuan ball chhuhsakin Youri Tielemans-a’n goal mawi in a chhanglet.
Second half-ah Foxes an kheltha zawk a, minute 78-naah Caglar Soyuncu chuan goal khungin Marcus Rashford-a’n tun season a a inkhelh hmasak berah an si phurh sut mahse Fox-es tan striker pahnih Jamie Vardy leh Patson Daka ten goal an khung leh hman a. Chak phu Foxes an lawm.
Inkhel zawhah Leicester City manager Brendan Rodgers chuan an chak chhan a sawifiah a, “Bul kan tan chhe lo, a laia khel an player-ten min bawr buai miah loh avangin inkhel thunun turin dawhtheih chauh kan mamawh tih kan hria a. Chi ai lova ball kan inpek kual chuan an tlarhnung kan tibuai thei tih kan inhria.” tiin a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427