Liverpool in Claudio Ranieri-a’n England a hna a thawh leh hnua inkhel a hmachhawn hmasak berah goal nga an khung a. 5-0 in Inrinni tlaiah an chak.
Vicarage Road-ah mualneitu lamin Liverpool football hlauhawm chhanletna tur an nei lova. Striker Roberto Firmino chuan hattrick siamin Mohamed Salah chuan goal ropui a khung leh tawh.
Thlipui sen a in mung
Liverpool in tun season-ah inelna hrang hrangah away inkhel vawi ruk an hmachhawn tawh a, heng zingah hian a tlem berah goal thum an la khung vek.
Tun season-ah Premier League-ah la tlawm lovin minute 8-naah goal an khung nghal a. Sadio Mane chuan goal khungin Premier League a African player goal 100 khung tling thei pathumna a ni a.
Roberto Firmino chuan minute 37-naah a goal hmasa ber khungin 52-naah a goal hnihna a khung a. Mohamed Salah chuan goal ropui bik khung lehin Premier League chanchin a African goal khung hnem ber record-ah Didier Drogba tluk turin a goal 104-na a khung a. Huntawp dawnah Firmino-a’n goal khuung lehin December 2018 hnua a vawikhatnan hattrick a siam.
Salah-a’n goal khung belhna hun a nei nual a, minute 78-naah chauh Watford in corner an nei thei in mualneitu lam an behzia chiang takin a tilang.
“Khawvelah Salah a tha ber”
Liverpool boss Jurgen Klopp chuan a forward chu fakin khawvela player tha ber a ni mek tih a auchhuahpui. “A tha ber a ni mek a, hei hi kan hmu vek. Ani aia tha sawi tur an awm lo.”
“Vawiina a inkhel kha a ropui hle. Goal hmasa ber tur atana a ball pass kha pass fing tak a ni a, goal hnihnaah a tangkai bawk” a ti a. Salah hian Reds tana a inkhel hnuhnung match 8 atangin goal a la khung vek.
“A goal khungte hi goal ‘cial’ bik an ni a. Player danglam bik, kan team in danglamna siamtu kan mamawh huna kan mamawh ang taka thawk thei thin a ni.” tiin a fak.