‘Serchhipah pawh an tiam ang an ti lo’ an tih fo hi thu diklo a ni” Dr. R. Lalthangliana

MNF party adviser Dr R Lalthangliana’n “Mi thenkhatin ‘Serchhipah pawh an tiam ang an ti lo’ an tih fo hi thu diklo a ni” a ti.

Tuirial bial bye-election atana a campaign-na ah Thingdawl, Bualpui, Kawnpui, Khamrang leh Mualkhang khawtlang hruaitute leh party mite hmaah Dr R Lalthangliana chuan Inrinni khan he thu hi a sawi niin MNF party thuchhuah chuan a tarlang.

Dr R Lalthangliana chuan “Kan tlinlohna bial Serchhipah ka department health-ah pawh Oxygen Plan lianpui Prime Minister nen inthlunzawmin ka hawng a, Commerce-ah pawh Market lian tak an sa zova, department dangah pawh hma kan la mar reng tho” a ti a. Hman ni lawkah chief minister pawhin district danga awm lo, Paragliding chu Serchhip-ah a hawn thu a sawi bawk.

MNF party adviser chuan an tlinlohna bialah pawh hma an lak mar reng tho chuan an tlinna biala hmalak chu an phur hle ang tih ring turin mipuite a hrilh a. “Kan candidate hi in tih tlin chuan Pu Zoramthanga te, kei leh minister dangte bakah rulling MLA zawng zawng in vote tihna a ni ang a, kan vaiin lawmthu sawi chu kan chak vek ang tih lo ring rawh u” a ti bawk.

Leave a Reply

Your email address will not be published. Required fields are marked *

error: Content is protected !!