Heavy metal music atchilh a, Iron Maiden fan ruhrum rut ni bawk high school principal chu sawn-chhuak tura nu leh pa tam takte ngenna chu hnawl niin, a hna ngai bawk thawk chhungzawm tura tih a ni.
Canada rama thil thleng hian khawvel a dengchhuak hneh hle a, media inpui tam takin an umzui. St. Catherines, Ontario-a Eden High School enkawltu principal Sharon Burns hi zirlai nu leh pa \hahnem takin IRON MAIDEN fan ruhkawl a nih thu an hriatchian hnu-ah sawnchhuak nghal turin thuneitute an ngen ta kha a ni.
A TIRIN HETI HI A NI A
Canada rama sikul pakhata nu leh pa te chuan Iron Maiden fan ruhkawl ni bawk an principal chu sawn-chhuak turin ngenna an thehlut mek a, Setana chawi-mawina leh zahna ni awm taka chawisang a, thla te a lakpui thin vangin an fate enkawltu atan an duh lo.
Ontario khawpuia Eden High School principal Sharon Burns hian heavy metal fan ngial ngan tak a nihna hi a zahpui ngai lova, social media kaltlangin uar mang-khengin a pholang thin. Twitter lama a bio ziahah pawh, “Principal at Eden High School. Growth Mindset Practitioner. Fueled by metal & ska. & chickens” a ti a ni.
Sikul naupang nu leh pa te hian an sikul enkawl social media kaltlanga Iron Maiden ngaisang tih hriat fahrana thlate lakpui a, a post chuai chuai thin chu an kham tawh. “Fate ngaihtuah em emtu nu leh pate kan nihnaah he sikul enkawltu berin Satanic symbols pho lang a, Satanic tihdan zir a, a khawsa kual vel thin hian kan rilru a tihah hle,” tiin thuchhuah an siam.
Iron Maiden banner leh licene plate-a Ki lem anga a kut a dah dan te, a car dashboard-a Iron Maiden mascot lang fiah em em te bakah kutziak ngei nia hriat ‘Eddie 666’ tih te chu an ngaimawh hle bawk.
THLAVANG HAUH
Heith lai hian, principal thlawptu leh thlavang hauhtu pawh an \hahnem angreng hle a, a lam\ang an nihna lantirin lehlam atangin boruak an lo siam ve mek bawk. ‘We Need Mrs Burns’ tih thupui hmangin campaign an nei a, signature an khawn khawm nasa hle.
Thuchhuah an siamah chuan, nu leh pa thenkhatte hian instagram post behchhana principal a nihna an lo buk kual vel mai mai chu thil nuihzathlak tak a ni a, Eden High School hi public sikul a ni a, Christian sikul a ni lo’ tiin \an an khawh.
Sharon-i hian hmangaihna leh lainatna a nunpui a, a semchhuak reng bawk a, dik tak chuan he sikul-in principal a neih tawhah chuan a \ha ber a, a thutak ber bawk, tiin a thlavang an hauh a ni.