Minister Chama’n transfer chungchangah Taxation deptt-a thawk te a fak

Taxation minister Lalchamliana’n taxation deptment-a thawktute sawn kual chungchangah fakin, hun bi neia an insawn hun an zawm that thu leh insawn chungchangah a hnena harsatna an thlen ngai loh thu a sawi.

He thu hi nimina Lungleia taxation depatment quarters sak mek a tlawhnaah Taxation minister chuan a sawi a. Taxation department chu sorkar tana sum la luttu ber an nih thu a sawi. “Mipuite pawhin chhiah pek chu kan tih tur a ni” tiin, chhiah tha taka pek chu ram hmasawnna atana thil pawimawh tak a nih thu a sawi bawk.

Sorkar thuchhuahin a tarlan danin Lungleia taxation quarters sak mek chu chhawng hnih, Rs. nuai 293 senna tura ruahman a ni.

Home minister ni bawk Lalchamliana chuan Lunglei SP pisa pawh tlawhin, Lunglei police te inrelbawl dan a fak a. Thawktute indaihlohna a hriat thu leh Mizorama district hrang hrang mipui awm dan azira Police lak tum a nih thu a sawi a. Lunglei tan kangthelh motor tha tak an pek tur thu a sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427