RD minister-in DRDA pisa sakna tur lungphum phum

Saitual district rural development agency (DRDA) pisa sakna tur lungphum chu nimin khan Rural development minister Lalruatkima’n a phum.

DRDA pisa thar tur hi KVI Complex hmuna sak tur niin, April 2022 a sak zawh hman tura ruahman a ni. Saitual DRDA pisa ah hian Project director bakah thawktu 8 an awm mek a. Saitual district-a Phullen RD block-ah khaw 12, Ngopa RD block-ah khaw 13 leh Saitual zone-ah khaw 19 an awm mek niin sorkar thuchhuahin a tarlang.

RD minister Lalruatkima chuan Rural development chu Mizoram sorkar department neih pawimawh ber te zing ami a nih thu sawiin, thingtlang hmasawnna tura theihtawp chhuahtu leh kawng hrang hranga hmalatu a nih thu a sawi a. Ni 100 inhlawhna pawh hri leng karah pawh hlawhtling taka kalpui a nih thu a sawi.

Sik leh sa inthlak danglam zelah tui hna humhalh kawngah pawh RD department chuan hma a la mek tih Lalruatkima chuan a sawi a. RD deptt. hmalakna dang te a sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427