Chinese pianist lar tak Li Yundi chu KS a thlem kualna lamah man a ni ta a, rampum a barakhaih hle.
Kum 39 mi leh 29 mi KS te chuan a thil tih hi tlang hriatah an inpuang tawh a, Beijing police pawhin thil awmdan online lamah an pholang tawh bawk. Mipui lamin thil thlen dan thuneitute an hriattir hnu-ah an man zui ta a ni.
He thil thleng hian fan tam tak a \hawng nâ a, ‘Piano Prince’ tih hiala hriatlar chet duhdan leh khawsak dan chuan a barakhaih hlawm hle.
Li Yundi hi kum 18 mi lek a nih laiin, China rama pianist naupang ber leh International Chopin Piano Competition, 2000-a pakhatna lawmman la thei a ni a, khawvel hmun hrang hrangah zinkualin, a thiam a lantir thin. Chinese tawng hmanna ah ngat phei chuan hre lo an awm lo, tih ngam a ni.
KS nena indawrna thil thleng hriat a nih veleh Chinese Musician’s Association chuan membership a nihna an hlihsak nghal a, nghawng tha lo leh duhawm loh tak a thlen chu an pawm thei lo, tih an tarlang.