KTP, Ramthar Veng bialin Inrinni khan CKTP hmingin Synod Hospital-in a tula a hman turin thisen unit 60 an pe a, thisen petute mipa 48 leh hmeichhia 12 an ni.
Inrinni vek khan KTP, Dawrpui Vengthar West branch-in CKTP hming bawkin Civil hospital, Aizawl-in a tula a hman turin thisen unit 22 an pe a, thisen petute mipa 21 leh hmeichhia 1 an ni.
KTP, Vaivakawn Vengthlang branch pawhin Inrinni khan Aizawl civil hospital-in a tula a hman turin thisen unit 11 an pe a. Hemi ni vek hian Evangelican Baptist Church hnuaia Baptist youth fellowship, Dinthar Veng-in an din champha pualin Civil Hospital, Aizawl blood bank-ah thisen unit 23 an pe a, thisen petute mipa 21 leh hmeichhia 2 an ni.
Civil Hospital, Aizawl blood bank-ah hian Inrinni khan mimal thahnemngai a thlawna thisen pe mi 18 an awm bawk.
Siaha district mini truck drivers’ association pawhin Inrinni khan Siaha district hospital-in a tula a hman turin thisen unit 20 an pe a. LIKBK thalai pawl, Lawngtlai AOC bial-in Lawngtlai district hospital-in a tula a hman turin unit 17 an pe a, thisen petu mipa 16 leh hmeichhia 1 an ni a. Hemi ni vek hian Kolasib Auto Rickshaw drivers’ association member mipa vek ten Kolasib district hospital-in a tula a hman turin thisen unit 6 an pe bawk.