BJP-in party dang tih theih loh tih theih inring


Tuirial bial bye-election lo awm tura BJP Mizoram Pradesh official candidate K Laldinthara chuan thlan tlin a nih chuan Tuirial bial tan sorkar lai, MNF tih theih loh, Congress leh ZPM tana tihngaihna awm lo tur chu central-a BJP sorkar avangin bial mipuite mamawh tih theih loh tur a awma rin loh thu a sawi.
K Laldinthara hian Inrinni khan Khamrang tlawhin campaign a nei a. He hunah hian thu sawiin state president kaihhruaina hnuaiah Central BJP hruaitute nen an inbiak reng thu a sawi.
“Tuirial bial mipui te mamawh hrang hrang ka thlen tawh te chu central hruaitute chuan Tuirial bial hmasawnna atan tih anih tur thu min hrilh a ni,” a ti.
BJP chuan development hnathawh aia ngaih pawimawh an neih loh avangin Tuirial Bial ah hian inkalpawhna te, ei leh bara hmasawnna tur te, waterway kal tlanga inkalpawhna te bakah mipui mimir mamawh hrang hrang tun term reilo te chhung hian tih theih a nih tur thu a sawi.
“Tuirial bial mipuite mahni hmakhua ngai a, Mizoram a MLA bial dangte tan a entawn theih tur khawp a bial hmasawn kan nih theihna turin tun hun hi a pawinawh hle a, party dangte’n mipui tana an tiam reng reng tawpna hi central-ah anih avangin an tan chet lak a har hle dawn a, keini tan erawh Pa hnena thil kan dil ang in kan mamawh te chu min tihsak mai dawn a ni,” K Laldinthara hian a ti bawk.
&&&&

Leave a Reply

Your email address will not be published. Required fields are marked *

error: Content is protected !!