Consumer-ten sumdawngte laka harsatna an tawha thubuai an put luhna, Consumer Disputes Redressal Forum, Aizawl Dictrict-in thubuai an khawih zinga tam ber chu bank dawng kawnga harsatna a ni.
Thawktuten The Zozam Times an hrilh danin, Consumer Disputes Redressal Forum, Aizawl Dictrict hi kum 1990 a\ang khan kalpui a ni a, din a nih a\anga kumin October 22 thleng khan complaint 3,831 lut tawhin, chung zingah chuan bank dawr kawnga harsatna vanga complaint lut a tam ber.
District Forum-a thawktute sawi danin, Bank dawr kawngah hian harsatna chi hrang hrang awmin, tun hnaia Dictrict Forum-a banking chungchanga complaint lut tam ber chu private bank pakhat, Aizawla inbun chu tlachhiain an bank tihtawp a ni a, he bank-a account neite hian sum an dah lak chhuah kawngah harsatna an tawh avangin complaint an thehlut a ni.
Complaint tam zingah electricity telin, hemi thila complaint lut tam ber chu electric san thut avanga khawl chhia leh chhiatna thlen phah thil a ni a. District Forum-a thawktute chuan electric department lam hian compensation pek pawh an nei nual tawh tih an sawi.
Covid-19 hri leng avanga inkharkhip te kalpui a nih avangin Consumer Disputes Redressal Forum hian hri len hma nen khaikhinin thubuai an khawih tam lo hle a, chuti chung chuan kumin January a\anga October thla chanve thleng khan complaint 28 dawng tawhin, chung zinga 10 chu an ching fel tawh.
Kumin bika an hnena complaint lut an chin fel tawhte thubuai chungchang thawktute chuan The Zozam Times hrilhin, “Thlawhna cancel avanga ticket refund tum Air services lamin an ngaihsak lote kan pui a, ticket refund leh tak hi a awm nual a, TV chhia inleitir te, coaching class kalna tura admission fee pek vek tawh class an kalpui loh avanga an sum sen tawh refund leh teh a ni,” an ti.
District Forum-a thawktute chuan, an hnena thubuai lut an chin fel kawngah hian thil ti dik lotua puh sumdawngte hian a tirah chuan forum-a inlan hi an tum lo a, an ngaihsak \ha vak duh lo \hin tih an sawi a, The Consumer Protection Act hnuai hremna leh he forum thiltihtheih chinte hrilh hriat an nih hnuah erawh koh an awlsam tawh hle \hin tih an sawi.
Complaint an dawn zingah Courier services chungchanga harsatna chu a tam pawl a la ni chho reng tih an sawi a, nikum leh kumin chhung ah ringawt pawh Courier services te sum chawi tir an awm nual tih thu an sawi.
Disrict Forum-a thawktute chuan mipuiten Consumer Disputes Redressal Forum panna chang an hre chho zel tih an sawi a, thil ti dik lo tute chu consumer protect act hnuaiah pawisa chawitir an nei \hin tih leh he dan hnuaiah hian lung in intantir thlengin a inhrem theih tih an sawi a, mipuiten an dikna chanvo an chan ngei theih nana dan hmanga rorelna hmun panna chang hre chho zel se an duh thu an sawi bawk.