Khatla-ah streets for people campaign

Aizawl smart city hmalaknain Khatla, Aizawlah Inrinni khan -streets for people campaign- neih a ni a, kawng kam hmun awl laiah thut hahchawlhna hmun leh naupang infiamna hmunte siamin, a duh tana ei/in lamna tur food truck chhawp a ni a, a mamawh tan BP enna te leh inbuknate chhawp a ni bawk.

He hmalakna hi khawpui changkang dangte anga kawngpui kam leh hmun awl remchang lai awm theite mipuite tana hman tangkai a nih theihna tura inkawhhmuh tumna (campaign) a nih thu sorkar thuchhuah chuan a tarlang a. Hemi kanga khawtlang hruaitute leh thuneitu sangte hnena ngaihtuahna thar seng tura infuihna leh inngenna a nih nghal thu a tarlang.

Aizawl khawpuiah kawng kam hmun awl zawng zawng deuhthaw lirthei hun nan hman a nih deuh vek avangin mi nawlpui tan chawlh hahdamna tur te, hawi thawvenna tur tha te a awm theih nan hmun awl la awm chhun leh siam belh theih ang angte mipui nawlpuite tana tangkai zawka hman a nih theih nan Aizawl smart city limited chuan khawtlang hmunhma neitu, khawtlang hruaitute leh ram hruaitute bakah mipuite pawh ngaihtuahna thar senga khawpui nuam leh changkang zawk siampui turin a ngen a, thawhho puiah a sawm tih sorkar thuchhuah chuan a tarlang bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427