Mizoram Pradesh Congress Committee (MPCC) Treasurer Zodintluanga chuan Congress an vote tlin \hin avangin rah \ha, hmasawnna a thlen \hin thu a sawi.
Nimina North Chaltlanga mi thar lawmluh inkhawmah thu sawiin Zodintluanga, MLA chuan, MNF Ministry chu cheng nuai thum sem tur anga an insawi chu hmuh tur a awm loh thu sawiin, “Kawng chhawng a ti, lei verh a ti leh, kalphung mumal lo party kut tihchak leh hi kan tih tur a ni tawh lo,” a ti.
Tuirial HEP chungchang sawiin, “Congress sorkar hmasa khan Tuirial HEP te bul kan \an hman a, MNF an rawn sorkar khan compensation tam lutuk kha central-in an pe hlei thei lo a ni. Kan sorkar leh khan Pu Lal Thanhawla hovin bul kan \an leha kan zo hman a ni,” Zodintluanga’n a ti.
Congress sorkarin hospital \ha tak a din thu sawiin, “Congress kan sorkar khan Super Speciality Hospital din a ngai tiin Falkawnah Referral Hospital bul kan \an a, MNF a rawn sorkar ve leh khan quarters ringawt buaipuiin ar leh kel vulh nante an hmang lui a ni. Keini kan sorkar leh khan bul kan \an \ha leh a, Falkawnah hospital \ha tak kan sa zo a, tunah chuan kan hmang \angkai em em a ni,” tiin medical college, doctor zirna thlengin phalna neiin an din fel tak thu a sawi.
Tun MNF ministry rei lote chhungin harsatna a tam thu Congress treasurer chuan a sawi a, “Kum thum chhung harsatna chi hrang hrang a piang a, hlawh an la thei lo a, GP Fund te duh hunah a lak theih hek loh. Sorkar \ha a awm loh vang leh mipuite min enkawl danah rorelna \ha a awm lo a ni,” a ti.
“MNF sorkar hmasaah harsatna chi hrang hrang a piang a, hel leh ruang chharte a tam em em a ni. Chutiang karah chuan Congress party a lo dingchhuaka kan ram a ralmuanga sorkar \ha a piang a ni,” Congress MLA hian a ti bawk.
MNF sorkar kal mekah hmasawnna tur a awm loh zia sawiin, “Budget session hnuhnung berah khan sorkar hnathawk hlawh chauh kan pass pui a ni ber a. Budget session zawhah khan hnathawh tur an nei lo, pawisa awm ang khan department-ah dah mumal lovin chief minister kutah a awm ringawt mai a, amah tlawn tlawn pek tur a ni,” tiin hmasawnna tur a awm loh thu a sawi.