Sakawrhmuituai tlanga Skywalk Project leh Ropeway project a \huanawp chhan hi MNF sorkarin chhui ngei tura an phut thu MPCC thupuangtu Dr Lallianchhunga’n a sawi.
Tourism Minister Robert Romawia Royte in Lungdai khaw mipuite hmaa Skywalk leh Rope Way siam tur \huanawm chhan hi Lokayukta leh CBI te chhui tir an tum thu a sawi chu, “Hemi chungchang hi Congress party in ngun takin kan chhui a, thil lo kal tawhte kan thlir let a. Chuta \anga kan thil hmuhchhuah chu, Sakawrhmuituai tlanga Skywalk project hi Congress party sorkar tlak tawh hnu, MNF sorkar thar a din tawh hnu kum 2019 thlengin hna thawh a ni a. MNF sorkara Tourism Minister Pu Robert Romawia Royte ngei pawhin kum 2019 khan a tlawh nghe nghe tih Lungdai khawtlang hruaitute’n an sawi a ni,” a ti.
Tuna Skywalk hnathawh kal lai mek hi a changtu Tourism Dept Minister Robert Romawia Royte hi a hre chiang ber tu a nih thu sawiin, Dr Lallianchhunga hian, “Tourism dept. in electronic book an tihchhuahah, sorkar hmalakna kal mekah Skywalk project hi tarlan a la ni bawk a. Chutah chuan, cheng nuai 9907 project hlawhtlinna atana sum a awm thute pawh chiang takin tar lan a ni a. A project-ah hna kal lai mek tiin nikum lawkah pawh anmahni dept. ngeiin an ziak a ni,” tiin nimina thu thar thehdarhtute a kawmnaah Dr Lallianchhunga hian a sawi.
MPCC thupuangtu hian, Tourism Minister-in Lungdai-a a sawi ang hian Lokayukta emaw, CBI emaw in chhi ngei se tia an phut thu sawiin, “An chhui tir ngei tur a ni. Durtlang a\anga Chaltlang inkar Rope Way project a tawp chhan hi NECS project siam a nih loh avanga Utilisation certificate sign duh loh a ni em tih thlengin CBI in chhui rawh se,” a ti a. “Hetia CBI chah luh an tum rau rau a nih chuan, CBI an chhui tir ngam loh GAD hnuaia Civil Aviation Wing-a Principal Consultant Pu J Lalhmingliana thubuai pawh hi CBI chhui tir nghal law law turin MNF sorkar hi congress party hian kan ngen nghal bawk a ni,” a ti bawk.