$Mtd. 1.47-in Michael Jordan-a sneaker hralh

Michael Jordan-a’n a lo bun tawh Nike Air Ships chu lilamna ah $Maktaduai 1.47 in an hralh.
Basketball star hian he sneaker hi November 1, 1984 khan 5th NBA game-ah Chicago Bulls player niin a bun a ni. Pathiannni khan card collerctor Nick Fiorella-a’n a lei a, Sotheby’s auction kaltlanga zawrhchhuah hi sneaker chanchina man to ber record a siam chiang hle.
April thla liam ta khan Kanye West pheikhawk Nike Air Yeezy chu $Maktaduai 1.8 in an lo hralh tawh a, private sale-ah record a siam.
Kum 1984 khan Nike chuan an company nena an thawhdun theihna turin Jordan chu pheikhawk leh kawr lam hawi siam nan inremna a ziahpui a, kum 5 chhung contract a ziahah kumtin $500,000 a hlawh.
‘Air Jordan’ a piang a, Jordan leh Nike te chu zankhat thil thu-ah namen lovin an lar a, hausakna an tawngbaw chho mawlh mawlh mai.
Nike hian kum 4 a ral meuh chuan an hralhna atangin $Maktaduai 3 vel an lakluh an beisei laiin, kum khat a ral chauh tihah $Maktaduai 126 an hailut hem mai a ni.

Leave a Reply

Your email address will not be published. Required fields are marked *

error: Content is protected !!